تسأليني - حسين العسيري

تسأليني ليش أعاني والألم من سبّبه ؟!
 
 
.......... تسأليني عن شعوري صدق بنت مأدبه ؟!
 
 
 
 
 
 
 
 
 
 
وش يكون شعور واحد حب شخص وعذّبه ؟
.......... واحدٍ عاشر بخيل ومن غبائه يطلبه .؟
 
 
 
 
 
 
 
 
 
 
و ش يكون شعور واحد ما نجح في التجربه ؟
.......... أعجبه دور البطولة ولا تعلّم يلعبه .
 
 
 
 
 
 
 
 
 
 
واحدٍ شاف السراب وظن يقدر يشربه .
.......... وش يكون شعور طالب واجبه ما استوعبه؟
 
 
 
 
 
 
 
 
 
 
واحدٍ ذاق المفارق والمفارق ما أصعبه
.......... وش يكون شعور شخصٍ طول صبره أتعبه .؟
 
 
 
 
 
 
 
 
 
 
شخص يحلم بالسعادة ولا تحقق مطلبه .!
.......... وش يكون شعور تاجر ما عرف كم مكسبه؟
 
 
 
 
 
 
 
 
 
 
وش يكون شعور شاعر ما لقى له معجبه
.......... كم قريتي من مشاعر للمشاعر متعبه ؟
 
 
 
 
 
 
 
 
 
 
تسأليني ليش أعاني والألم من سبّبه ؟!
..........لو أظل اكتب شعوري شهر مقدر اكتبه
© 2023 - موقع الشعر