بقايا حب

انسى زمان الوصل لاعاد ترجيه
مادام شيمتك الغرور وتعالي
 
انتي كتاب في حياتي وابمحيه
لاواحسايف عنك حتى سؤالي
 
كنت الوحيد اللي بقلبي وماليه
ولاغير حبك في حياتي طرالي
 
كنت الذي بالعين والروح نفديه
ماانت بعزيز وبس بالحيل غالي
 
سلمت قلبي دوك فتش خوافيه
دور بقايا حب عقب الزوالي
 
شيدت قصرك لكن انتي هدمتيه
وانا احمد الله يوم جوي صفالي
 
لاعاد لي حب وقلبي ما أعنيه
فارقتها ياناس وارتاح بالي
 
هذي دروب الحب هذي بلاويه
ماأبغى مجاله يقترب من مجالي