لا والله الا راح راع المواجيب
وعزالله ان مثله يسمى فقيدة
مرحوم ياعود عطيب المضاريب
جزل الفعول ابو الخصال الحميدة
يالله عسى الفردوس له خير ترتيب
يهنا بها وسط الحياة الرغيدة
والله يعظم اجرنا والاصاحيب
والله يعظم اجر ناس بعيدة
عنه الخبر طعنة رهاف محاديب
صعب المشاعر تختزلها قصيدة
لوغاب راع الطيب يبقى على الطيب
مشعل سند عبدالمجيد وعضيده
رجال تارد صافيات المشاريب
الهم علاقة بالمكارم وطيدة
على خطا الزيزوم مافيه تجنيب
عسا خطاهم للمعالي سديدة
الحمدلله والرضى بالمكاتيب
حكمة ولي الكون فيما يريده
والموت حق مالحقنابه الريب
درب مقدره الاله لعبيده
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.