خاله عليها حزنت وهلت دموعي.

لـ محمد البياضي، ، في غير مصنف، آخر تحديث

خاله عليها حزنت وهلت دموعي. - محمد البياضي

امسيت في ضيقةٍ واصبحت مفجوعي
يافارج الهم عنا فرج الهمي

لاشاكي من الضمى ولاشاكي الجوعي
شكواي بلوى وسمت حالتي سمي

مصيبتينٍ علينا بهذا اﻻسبوعي
ذي خالتي واول اﻻسبوع ابن عمي

خاله عليها حزنت وهلت دموعي
هذي ماهي بخالتي بل خالتي وامي

ام وغلاها غلاء فالقلب مزروعي
وحبٍ لها فاالضميروساري بدمي

متمركزٍ في حشاي وداخل ضلوعي
بين المحاني ثبت ماعمره يومّي

حب غريزي ولاهوبحب مصنوعي
هوسبت دموعي الليّ غرقت كمي

احساس واحد من ابناها ومطبوعي
ومحبة الابن طول العمر تتنمي

ومن ليلة البارحه والفكرمنزوعي
اقوم واقعد وازل العلم واخمي

لاجيت ابمرح اهج الليل مفزوعي
لوينطق لساني بكلمه قفل فمي

مسراي مع هاجسي من فوق مركوعي
منهد حيلي وعظمي باقي ٍٍ صمي

وان عدت بين الجماعه تقل متبوعي
وليا استكنيت ماكن العرب يمي

ومن لامني في غلاها ذاق من لوعي
والعمر يقضيه بين الهم والغمي

ام الحنان العطوف الليّ على الكوعي
ماترقد الليل لين الشمل يلتمي

تشفق على كل محتاج ٍوموجوعي
وتضم صدر اليتيم بصدرها ضمي

من صدر حبه تدفق تقل ينبوعي
ممزوج دفء وحنان من اطيب الجمّي

في طرقة الخير تسعى بكل موضوعي
ماتعرف الكذب والتزييف والنمّي

الهرج بعضه لها ماهو بمسموعي
لاصار به ريحة ٍللكل ينشمي

وان صار به خير تعرف فيه منفوعي
تتقدم بطيبها لله وتسمي

هلت عليها دموع افراد وجموعي
منا ومن ناس فيهم عطف تهتمي

يوم الوداع الاخير وماله رجوعي
نهار فيه البشر ما تنحسب كمي

ياصل خوالي عزاي ويشمل ربوعي
وولادها ورجلها بالاسم واسمي

ولاشك مكتوب ولك السمع والطوعي
يالله والمسلم بما قلت مهتمي

ماهو اعتراض ولغيرك مَااعلن خضوعي
يامن بامرك نجى موسى من اليمي

رجواي موصول بك ماهو بمقطوعي
راضين في حكمك وبسماك ونسمي

ويامن لك المسلمين سجود وركوعي
رحمتك في خالتي بل خالتي وامي

© 2024 - موقع الشعر