قصيدة الشاعر القدير / ناصر الروقي ... وردي عليها - عبدالله بن نور الأسعدي

هلا بالبريد اللي معه نشرة الاخبار
من وْعن رفيق(ن) لي به الروس معصوبه

برجعك مع دربك وهو نفسه المشوار
واخذ ردي اللي في رسالتْهْ مقلوبه

عطه ناصر اللي من خصايلْهْ ابن عبّار
يمثل بها الطيّب وواجد تقدووبه

حياته على طاعه وعزه وشبة نار
ومن كل علم(ن) غانم(ن) مالي(ن) ثوبه

بعد جتني اعلومه وهو بين نار وغار
وربعه وربعي ترجع لروق منسوبه

يبن عاصي انته من رجال(ن) جبال اكبار
رست منهم الديره من طريف للخوبه

يبن عاصي انته من شيوخ(ن) تِعَسف مْهار
ليا من غزوا تنحاش الاخصام مرعوبه

ونا عاجز أعدّ الك كم فارس(ن) مغوار
طرحْهْ الغرام وجاك يبرم على جْنوبه

ترى المسعد اللي من غريمه خلص فالثار
قبل لاتجي قلبه من اجراحه النوبه

على الحب أعلن حرب وافرض علاه احصار
قبل ينقلب حكمك له وْتتجه صوبه

ليا من تركت اللي يحبك يجيك امرار
وخب المحبه عنْه يعجبك باسلوبه

مناسبة القصيدة

هذه القصيده سـنـّد بها علي الشاعر القدير / ناصر الروقي ... يقول ناصر : الا يالبريد الي تسافر تجوب ديار=تحمل الرسايل بالعناوين مكتوبه اباعطيك خط تحمله وانت اله قدار=توصله عبدالله مخصص بمندوبه تتلقاه في بيتً عزيزن عليه شعار=علامات جودن للخطاطير منصوبه وتلقا الشحم والهيل في مجلسه يندار=ومعه عودن ازرق شف قلبك ومطلوبه تسلمه مكتوبي وتشرح له الي صار=عن احوال من حاله من الوقت منكوبه نكبه الزمان الي محمل كثير اسرار=ترك فيه نفس طولت الوقت معطوبه سببها هنوفً جادلً فعلها جبار=تمادت على قلبي قعد فكرها دوبه بفهما ثمانً تشبه الدر بالمحار=ليا شافها العاقل تغير عن دروبه تمادت عليه خص يالوالي الستار=اليا جيت اببعد عدت ياربي التوبه ذكرت الحلا والزين والود والمقدار=وذكرت الفراق الي به الروح مذنوبه والا يا أستاذ الشعر والعلم والحظار=هذا شرح بعض الي جراله بمكتوبه رديت عليه وقلت :
© 2023 - موقع الشعر