قصيده من الشاعر/ اسماعيل العمراني وردي عليه. - محمد البياضي

شكيت لله ثم لآبوك يابجاد
حال الزمان الليّّ تغير علينا

وابوك شاعرقدوه لكل قصاد
استاذ والاستاذ فيه اقتدينا

حنا نعرفه من عرب رووس الاجواد
ابن البياضي يوم في اعتزينا

يوم ان بعضهم تنتخي فيه مافاد
عادة محمد جود ذرب اليمينا

يكرم ضيوفه من بعد دلته زاد
يذبح لهم بالبيت جزل وسمينا

يوم ان حداني الوقت والحظ بعناد
جيته على ذكرى عرب طيبينا

الطيب جد ويثمر الزرع بحفاد
لاماايتغير لو تمر السنينا

شكيت طول ما وصل رد يابجاد
وابغى الجواب الليّ تأخر علينا

واجبت عليه بهذه القصيده عن ابني بجاد:
الله كريم اليا لقى العبد يعتاد

مساجده في كل حزه وحينا
وليا شكر له يابعيد النظر زاد

وليا صبر دايم مع الصابرينا
والعبد في دنياه في حرب وجهاد

من شبته حتى يجيه اليقينا
وآبوك وابويه وابو زيد وعناد

من عرض خلق الله منا وفينا
وابوي دون المال لو تبغى الاولاد

ماصرفك لو كان تبغى حدينا
اصبر على الدنيا كما صبر الاكراد

قول ابتدينا لا تقول انتهينا
يوم ابتلو في حكم صدام بغداد

ومافيهم الليّ قال حنا ابتلينا
ماودهم لاشك رب الملا راد

وارادة الله فوق قدره يدينا
وانت وانا في ديارنا شيوخ واسياد

عقب الجفا فوق البساط التقينا
والعلم له مركز ومصدر وميراد

وللطائره مهبط وللسفن ميناء

مناسبة القصيدة

قصيده من الشاعر/ اسماعيل العمراني وله فيها طلب ووجهها الى ابني بجاد وهذا اسلوب طرقه الشاعر حتى يوصل ما يريد توصيله واجنت عليه عن ابني.
© 2024 - موقع الشعر