الموت حقن واخرك موت , بتموت ..!!

الصدر شوفه من عنا الوقت مكبوت ..
يشكي همومه وانت عارف همومه ..

والعمر يمشي واخر العمر تابوت ..
والكل يرحل يوم يأتيه يومه ..

الموت حقن واخرك موت بتموت ..
وتغيب عينك عن مشاهد غيومه ..

في قبر مظلم دون ضون ولا صوت ..
والجسم خالي من ملابس هدومه ..

الكفن ثوبك مابها لبس وبشوت ..
والجو خالي ما تلالي نجومه ..

ولا عاد فيها زاد احلي من التوت ..
ولا عاد فيها عزوتي والعمومه ..

الخير وحده يوزن اليوم ياقوت ..
كانك تصلي كل فرضن تقومه ..

والطيب يبني في جنانه لك بيوت ..
يوم الفعايل في نفوسن كتومه ..