هدمت صرحِ بعد ما طال مبناه - محمد البياضي

المنتدى علم ومعرفه ليا جيت
تتبادل الخبرات مع كل من جاه

هذا بفكر وذاك سيرة هل البيت
وواحد معه موضوع شيق ونقراه

وواحد يوصل سيرة الحي والميت
بيض الفعول وفعلهم كيف ننساه

تاريخهم ثابت ليامني اطريت
ماهو خطأ ذكراه من ناس ٍارواه

وان جيت ابحصي عام ما والله احصيت
فوايده والليّ نبي فيه نلقاه

تُطرح مواضيع وبها لاتحليت
يم المعالي فوق تسمو به اعضاه

هذا الرقي يالليّ تجاوزت واخطيت
فكر الحضاره وانت قاصد تعداه

والعلم يفخر فيه من شيّد البيت
مايفتخر به جاهل ٍيقصر خطاه

هل انت تعلم وايش في يدك سويت
هدمت صرحٍ بعد ماطال مبناه

© 2023 - موقع الشعر