في دروب التيه جربت المقيل
وشلت ياكتفي عوايدك الثقال
دامها ضاعت علومك ياالدليل
لك عيوني جاوبة أصعب سؤال
خطوةٍ عديتها عن ألف ميل
من خطاوي مشيتي هدت جبال
مقصرك يادرب لو قالوا طويل
لو يشابه واقعي نسج الخيال
من سحابة صيف حصلت المسيل
كيف وضعك يالشتاء؟ والمزن سال
وش يبي في عزته جذع النخيل
غير ثمره في حياته والظلال
الرياح المعتمه نسمة عليل
ولدروب الضيقه عندي مجال
ماقطعها غيرجوباح الأصيل
من صحاوة فكر ياوليد الحلال
من طموحه مايعرف المستحيل
لوتعقد في رجاويها الحبال
من يحاول ينكر الفعل الجميل
أشهد أنه ماتربى مع رجال
أستحي يوجيه طاحت بالشليل
وش تركتي من علومٍ ماتقال
لاتفكر يحكم العالم هبيل
يبني أبيوته على جرفٍ هيال
ولاتفكر يحكم العالم ذليل
أعتبرها حكمتي ماهي مثال
في دروب التيه أناعابر سبيل
أبتسم ليله وسافر لزوال
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.