الخيط ..والأبره..

يشبهني الخيط يمشي يتبع الأبره
أمشي على دربها وادفن معاناتي

محد ٍ قراني وحالي يحشد بصبره
أحارب الهم وطعونه وأهاتي

أضحك وسولف ولو دانتني النبره
أستوحش الحكي حرف ٍ بين لوعاتي

أبعد عن الناس حزني وحبس العبره
أفرح معاهم وضيقي بس في ذاتي

أحساسي أن الفرج يأتي.. ولو جبره!
وأن أصبح الصبح مالقى غير وناتي

يادنيتي لو بحلت وقلت الدبره
وثقت في خطوتي واحسب مسافاتي

عثرات الأيام ناخذ منها خبره
من بادي الوقت ماغير مساراتي

خيط الأمل في يدي والناتج العبره
خذني عزم مانتهى لو قلبنا يحاتي