جيت أبفرح - بدر العيباني

جيت أبفرح ولكن يالمسايير
ضحكة ألسن....ناسيها...قديمه

أمنع الحكي وتبين التعابير
يحكي الصمت لعقول ٍٍ فهيمه

من سأل..قلت أبشرك أني بخير
ومرتع الجرح مخضر ٍ هشيمه

ماظهر غيرها والسر فالبير
ودي أخفي معالمها العظيمه

قدرالصبر حالي خير تقدير
ومدته جات من يمنى كريمه

شفني أهيم في حرالمقادير
مارجي الليل يلحفني نسيمه

أتصبر على رمضى المشاوير
ماشكي الحال لقلوب ٍ رحيمه

ياقف الصبر وقفة شيخ لمطير
وسط قومه وله قدر ٍ وقيمه

مايدور عن الفزعه معاذير
ماثنا الساق من قو العزيمه

ماندمنا على كثر المخاسير
ولانسينى عوايدنا القديمه

يالله أنه يجيبك يالتدابير
وفرح باليلة ٍ لو هي يتيمه

ولا ياليت لي جنحان وطير
ثم أعانق لاضاق الصدر غيمه

© 2024 - موقع الشعر