إن جيت للبيت قام الفكر يلعب بي - البندري عبدالعزيز ال سعود

إن جيت للبيت قام الفكر يلعب بي
وان رحت للخرج صاب القلب ولوالي

ماعاد أميّز واعرف الجدّ واللعبي
غديت مثل الخلوج أمشي على فالي

ياسعود هذي تدابير الولي ربي
والعبد ماله عن اللي دبّر الوالي

جرحي على سعود ماينفع به الطبي
وشلون أبسلى وهو دايم على بالي

أحسّ صوته يناديني وأنا ألبّي
يقول يمه نسيتي شبلك الغالي

وشلون أبنساك وانته ساكنٍ قلبي
أنت حبيبي وزولك دايم قبالي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر