الشعر ماهو يعطي الناس قيمه ..!!

كان المشاعر في حياتك عظيمه ..
انا حياتي بالمواقف عظيمات ..

الشعر ماهو يعطي الناس قيمه ..
الشعر دوله من قديم الحضارات ..

باحساس صادق والنوايا سليمه ..
يعني تصور من حياتك عبارات ..

باعذب مشاعر والمشاعر كريمه ..
بعده تشكل صورتك هيئة ابيات ..

وانته تدور من شعورك غنيمه ..
واكبر مصيبه كيف الاحساس قد مات ..

كنز القناعه منه قدر وحشيمه ..
وكانك تبيني بعطي شهود واثبات ..

تدري وش اللي يعتبر كالجريمه ..??
تمدح رجالن والنوايا عتيمات ..!!

طامع بماله او عطايا نعيمه ..
ولا جيت ربعك قلت هذي غنيمات ..

دست الكرامه صار ينزف صميمه ..
يوم القوافي من فعولك سقيمات ..

الخير وافر جعل ربي يديمه ..
خل المشاعر في خفوقك حشيمات ..