حظي من الدنيا

حظي من الدنيا تعايب وهوجاس
وهموم ومواجع بقلبي كثيرة

هوجاس يلعب لعبته بي بالاحساس
ويامر على دمع العيون الحسيرة

من واحدن ماهوب من جملة الناس
شكله ومنطوقه وزين اتعبيره

خلقه ربي بالغلا مثل الالماس
وازكى من الورد المزكى عبيره

يفوح به معلوق قلبي مع الراس
ويفزله عظمن غدى بالجبيرة

ويهيم فكري فيه مالساس للساس
واقوم انادي به ولا اشوف غيره

ياخف دمه يوووووه ياحلو الانفاس
يازين نظرات العيون الاسيرة

والشفة اللي كنها رسم كراس
جمال انا لله مابه نظيره

والخد ورموشن على العين حراس
والعين تسقط طايرن من مطيره

لامن نظرته كنني شارب الكاس
يالله دخيلك ماالمصايب تجيره

ولامن ضحكلي صاروا الناس عباس
شالوا قهرهم بالنفوس الحقيرة

ان كان صافاني وعاضد بي الباس
زانت علومي واهتدت لي البصيرة

وان كان خلاني بهمن ووسواس
ماشفت خير وجعل بالامر خيرة