يقول ابو حمد

يقول ابو حمد عفت المحبة
ولا عد لي بها رغبه وداعي

انا مليت من جرحي وطبه
ودروب الحب صعبات المساعي

مشيت بها حذر وان اتنبه
وكنت اقول لي محبوب واعي

وكنت اظن لي يسعى بقربه
ولو قلت انطلق للموت طاعي

طلع لو معه مثلي الف حبه
قتلهم كلهم قتلن جماعي

يعذبني بضحكاته ولعبه
وللونه يحب الاستماعي

لهيب الشوق في قلبي يشبه
ونار الهجر دايم باندلاعي

باتوب من الهوا كله واكبه
تعبت اعيش في عيشة خداعي

ونويت اسافر امريكا واوروبا
وادور لي على قلبن صناعي

جهولن بالهوا سلمه ودربه
ولايعرف لفرقا واجتماعي

ولايحسب حساب لاي غبه
ولايعرف بشي اسمه وداعي

اريده بس قلب يطيع ربه
ويضخ الدم بالدفع الرباعي