الله اللي

الله اللي زلزل الارض وارسى النايفات
والله اللي انزل تبارك والتغابن والقلم

والله اللي رحمته عمت جميع الكائنات
وعلم الانسان من علمه بشيء ماعلم

لا اله الا انت ياربي ونسألك الثبات
لاحضرنا ساعتن مانفع فيها ندم

يالله اني ماسالتك جنان (ن) خالدات
ان تزحزحني عن النار خفاقي سلم

ليتها راحة ليا قالوافلان اقفى ومات
غير بعد الموت شي ترتجف منه القدم

بعثة الاموات وحساب القلوب المخطيات
والصراط المستقيم اليا اوردوا فوقه امم

يوم من هوله تجي فيه الصبايا كاهلات
مايسود الا الهي واستووا حر وخدم

وش نقول اليا حضرنا فيه واصبحنا سكات
وش نقول اليا انسالنا هل اعنتوا من ظلم

كم لنا نخطي ونخطي ماحسبنا الفايتات
مادرينا ان الذي نفعله يكتب بالقلم

التهينا بالمعازف عن امورن طاريات
والتهينا بالفلوس وكم وصل سعر السهم

في فلسطين الابية كم امورن مبكيات
وايضا بكابل وبالشيشان الوضع احتدم

والعراق اصبح اسيرا للديار الكافرات
وامة الاسلام في طابور بوش المنتظم

ليه حنا طافت الدنيا وحنا في سبات
ليه ننكس يوم جيش الكفر ازبد والتطم

ياعرب ربي كتب للخلق لحظة للممات
مايفر العبد منها لو تعلى بالقمم

دام سهم الموت حاضر ليه حنا في شتات
ليه مانطغى على الطاغي ومنه ننتقم

ليه طالتنا سهام الذل من كل الجهات
ليه اصبحنا حثالة هالكرة واحنا امم

ليه ضيعنا ذرى العزة وسلم الطيبات
ماخبرنا ان الصقور تذل من حوم الرخم

بس عندي كلمتين لو حدتني عالوفاة
والله ان لااقولها لو صيرتني للعدم

واكتبوها بالجرايد واعلنوها بالقناة
واعلنوها في مكبر صوت من فوق الحرم

دامنا خلف المعازف والبنات المترفات
ودامهم اهل النعم بين المفاطح والشحم

فابشروا بالخير وبشين يجيب الغايبات
والله ليدور السرى ونسير لامريكا خدم