ترا اللي اللي حداني يا رفيقي على جفواك - ناصر حمد الخالدي

ترا اللي اللي حداني يا رفيقي على جفواك
غلا رفقتن من بيننا شان تاليها

انا والله اني معك والا معا شرواك
اغض النظر في بعض الاشيا وامشيها

لكنها تساوت كلها وصلك وفرقاك
عقب ما مشت في سكتن ما لنا فيها

تدور السوالف بين هذا وذاك وذاك
وهذاك يطبخها وهذاك يشويها

والى صارت الدعوا مهي ب اخذ والا هاك
اركاب التشره والله اني ما اعنيها

قبل ما حدن عندي حسب هقوتي يسواك
وذالحين مابه حاجتن عنك ابكميها

ليا صار ظنك ب ان عيني على مخباك
انا شيمتي ما فيه حاجه تساويها

ورفيقك ليا منك زهمته ولا خلاك
ثياب الصداقه بالردا لا تمليها

والى صرت متهقوي بروحك وجبت اقصاك
اوساع البنايد تدخلك في مخابيها

وذي حاجتن تدري وانا ادري مهي تخفاك
لكن من كسبله عادتن ما يخليها

ابقفي وانا سامح لعل الردي يفداك
وترا النفس فيها منك ما هو مكفيها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر