الله يحد اللي حداني على اقصاي
يوم الصبر كل هالسنين متطييّب
حشمت والحشمه لغت كل مبداي
ولاعاد اميز بين طيّب و خييّب
صنته ولاضحكت اعداه واعداي
وكتمت في صدري الحزن لين شييّب
الله على الظالم حسيبي ومشكاي
و ماهمني لو قالو اليوم ثييًب
ماني منزله الراس في عز دنياي
مادام مافيني شي ٍ يتعييّب
على النقا امشى ولو طال مسراي
ومنين ماحدرت حضوري يهييّب
لاصار ذكر ابوي موجود وياي
انشهد أني عن العالم أغييّب
تعليقات الزوار
- كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
- بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
- إدارة موقع الشعر لا تتابع التعليقات المنشورة او تقوم بالرد عليها إلى نادراً.
- لتواصل مع ادارة موقع الشعر إضغط هنا.
