لا روح العصر والشمس انتحت للغروب - ناصر حمد الخالدي

لا روح العصر والشمس انتحت للغروب
جميع ضيقه بصدري ينفتح بابها

اضيق وتضيقبي كل السبل والدروب
يا لين تنحي واشوف الليل بغيابها

الليل ستر الوجيه اللي بعضها شحوب
يضفي ظلامه عليها قبل يدرابها

والحزن سم الوجيه ومسكنه بالقلوب
وكم عين وبل الحزن ما فارق اهدابها

ما احدن على بعض الاشيا بالزمان مغصوب
واشين بعضها يجي ما يحسب احسابها

ولو البنادم يحسب ما جرا من ذنوب
ان كان بعض المواقف بالزمن هابها

ومن يدخل اجوا الغرام بذمتي ما يتوب
لو طاف مكه وكل الناس صلابها

اليا تذكر وليفه قام قلبه يذوب
مثلي وروس النوايف غصب يرقابها

يا نود هبي علي وذعذعي بالهبوب
نفسي من الود والبعد الله ادرابها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر