البارحة - تركي الغامدي

البارحة هضت الشعر وانا على روس الطوال
وامسيت اقلب داخلي صفحات للقلب العليل

واتذكر ايام الهوا والعشق مع ذاك الغزال
واجر ونة واتبع الونة بونات(ن) تهيل

واتذكر اول لحظة(ن) شفته وجابلي الهبال
عيت تفارق صورته عيني ومنظره الجميل

هي ساعتن شفته بها سبحان ربي ذا الجلال
وقولن جرى مابيننا ماني من اقواله مليل

بعداللقا في وادي حاز الطبيعة من خيال
جنة من ازهار وورود وفل واعناب ونخيل

قالت سلام الله ورديت التحية بالمثال
وبدى حوارن صعب جدا بين قال وبين قيل

قالت من انت وديرتك هي من جنوبن او شمال
افخر وانا بأسمع كلامك بس حاذر لاتطيل

جاوبتها انا انا مااحتاج تعريف ومقال
وادري بانك تعرفيني ياقمر ماني هبيل

انا امير الشعر انا حاكم معانيه الجزال
انا على عرش القوافي بعد ابو الطيب وكيل

ابو حمد لاجيت للشعار هزيت الجبال
اطب ساحات القصيد بثقل ونفسي ماتميل

واما دياري يامره كيلي المحامد والفضال
انا من الباحة رجال الحلم والسيف الصقيل

نفخر بانا لابدينا نقدر نسوي المحال
جود وشجاعة والكرم وراثة المجد السليل

كم من ثرى الباحة نشى بين الرجال اشجع رجال
كم من ثرى الباحة امير وكم صحابي جليل

من ارضنا سفيان حمال اللوى يوم النزال
وابو هريرة ثم جندب واذكري معه الطفيل

قومن بنينا المجد والتاريخ بسيوفن صقال
بالمعركة فسيوفنا كم راس من متن(ن) تزيل

قالت كفى مادام حل الموت مع طاري القتال
بسأل سؤال(ن)ثاني(ن)ياراعي الفكر الاصيل

اهل الهوى ماذا قتلهم قول واضرب لي مثال
قلت الهوى والحب قاتلهم وباعطيك الدليل

ياكم حكوا عن ميتن بالحب مابين الرجال
ابن ربيعة ثم عنتر واذكري معهم جميل

قالت لي انت اش عذبك جاوبتها السحرالحلال
عينن ليا من سلهمت اصبح بسبتها قتيل

وخدن وقد وعنق ورموشن محاسين ظلال
والخطوة الحلوة ليا منه خطا الجسم النحيل

قالت لنا الله اننا متحشمات ولا نزال
ياكيف نجرح من يرى واحنا خفايا مستحيل

جاوبتها ان السر يكمن بالبراقع ياغزال
الجسم مخفي والخطر جانا من الطرف الكحيل

قالت ترى وقت اللقا خلص فهل لك من سؤال
قلت اسألك بالله ودي مطلبن قبل الرحيل

دامك نويتي ترحلي لاتقطعين الاتصال
ومادمت بأحرم شوفتك بالصوت ردي لي قليل

صوتك يسلي خافقي مادمت مقطوع الوصال
وان مارحمتيني شكيتك لله الوالي الجليل........

© 2024 - موقع الشعر