بين الحنايا ...! - ماجد بن محيا

بين الحنايا عشت يالحب المريب
ياللي عطيتك .. بالغرام الاوسمه

البارحه والشمس همَّت بالمغيب
اكتب لك احساسي واحاول ارسمَه

واليوم بكتب لك ولاكن لامجيب
داري .. وخذ مني علوم مقدَّمه

بين الحنايا قلب وافهم يالبيب
ماهو حجر ياللي تحاول تقسِمه

الله .. ربي .. جايبه ثم النصيب
خلاك تجري داخله مجرى دمه

خل التغلي .. والتغلي وش يجيب
غير الجروح الي بقلبي .. مؤلممه

تعال داو الجرح دام انت الطبيب
والا لقلبي قول .. !! ( ربي يرحمه )

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر