لا تعّذر وأنت تدري يا شقا القلب و ربيعه
إن سحابة عذرك أبطت ما سقت صحراء الخطايا

وفر أعذارك تراني منصدم صدمه شنيعه
فيك يا اللي طول عمرك تدعي حسن النوايا

بعتني للشوق واللي باعني والله لا أبيعه
حتى لو أقضي حياتي غربه..وهم..وزرايا

دام راس المال راسٍ شامخ ونفس رفيعه
حالف إن أنساك يا أول وآخر \" ضيوف الحنايا\"

واعتبر ماضيك ذكرى في نظر عيني وضيعه
واعتبر ماضي ليالي حبك ادروس و وصايا

بعد غلطه عمري اللي أثمرت وصل وقطيعه
قربك وبعدك وشوقٍ في الصدر سوى سوايا

غلطتي \"عاشق\" ودايم غلطة العاشق فظيعه
يوم سلمتك خفوقٍ لك فتح كل الزوايا

مادريت إنّك قطوعٍ والهجر عندك طبيعه
لين تل الشوق قلبٍ أضحت اعروقه ضمايا

قلبي اللي كم عشانك شال ما لا يستطيعه
هايمٍ مايدري إن لك بالهوى قبله ضحايا

خذته ابرمش إلى من سلهم \"العاصي، يطيعه\"
رمشك اللي حسبي الله كم يورد للمنايا

رمش عينٍ ما يدريّ منّه النشمي منيعه
آه يا كم قد رماني قبل اعرف أقصى الخفايا

قبل أعرف إن حد عشقك فترةٍ تمضي سريعه
والوفاء عندك كلامٍ يحتضر بين الشفايا

قبل أقل ياأجمل من الله صورة فوق الوسيعه
اعتبرني في حياتك ماضي ماله روايا

وابتعد عني تراني منصدم شنيعه
في سحاب أعذارك اللي أقبح من أرض الخطايا


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر