آآآآه يـا كــثر المـتــاعــب ..

اه ياكثر المتاعب لا حكينا
ياتعب روحي وقلبي يا عذابه

جيت بكتب بعض ماهو يعترينا
وامتلا ديوان شعري بالكتابه

الغلا ..والبعد .. واهموم السنينا
وقَّفت قلبي على حنوة نصابه

بين من نبغا .. وبين اللي يبينا
وادي الموت اللذي قلبي يهابه

في ظلام الليل لا قلنا سرينا
وين تسري يافتى في وسط غابه

ان سلمنا سم الافعى لا مشينا
ما سلمنا عضَّت انياب الذيبابه

الخطر والموت كلَّه محتوينا
ضمنا الخوف المخيم في ثيابه

والقمر يبدي ولا يبدي علينا
لابدى يبدي ورى ذيك السحابه

والنهايه فالهوى رحنا وجينا
والمهلي ماوقفنا عند بابه