يـامــراســلـنـي ... - ماجد بن محيا

يا مراسلني على الغصن الرطيب
اسألك بالله قللي وش بلاك

ان شكيت الوقت من سوء النصيب
او شكاك الوقت والا ماشكاك

انت لا تسأل وانا ماني مجيب
لين تخبرني عن اللي قد دعاك

لو خبرت اني على جرحك مهيب
كان قلت ابشر وعلَّمتك دواك

قبل نعرف وين قلبك ياللبيب
ماعرفت ارضك ولا نعرف سماك

مير عندي شور دام انَّك قريب
اسمعه لو كان ما ناسب رظاك

كان تبغى الراي والشور الصليب
لاتمنى قلب من قلبه نساك

واطلب اللي فك طالب من طليب
دام له ذكرى تفلِّي في حشاك

قول يالله تنصر القلب العطيب
يمكن الله ما يبقي من شقاك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر