ياقل ماتبدي وياكثر ماتغيب .. - ماجد بن محيا

ياقلّ ماتبدي .. ويا كثر ما اتغيب
يا ذا القمر ياللي .. عيوني تراعيك

لا شفت لك طلّه .. من اجروحي آطيب
وان غبت شوف الجرح .. نزفه يناديك

خليتني بين الثقه .. فيك والريب
مدري يصلك البوح .. والا يخاطيك

نكتب مشاعر .. مانجي يمّة العيب
ليت المشاعر جاتني .. قبل ما اجيك

مادام لي بالشعر .. مبدى على الطيب
الشعر سخرناه .. يمشي نواحيك

الشعر يمشي لك .. ولو قافه يشيب
حتى ولو شابت .. محاجر محاكيك

ياليت شعري ..!! انني اعلم الغيب
اقل شيئ اعرف .. ديارك واراضيك

وياليت شعري ..!! ان ارى منك تقريب
تقريب قلبي لين ... احطه بياااااديك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر