جرح المشاعر ماتشافيه الاعذار

بداية القصة معك وانت تدري
أهديت لك كلي وقلبي لك اختار

جيتك محبة شوق والهام فكري
قصة رواية خاطرة نثر و اشعار

ضمك غلا مكنون في جوف صدري
والقلب حبّك ماتردد ولا احتار

لكن صدِّك حطّ من جل قدري
شكواي لله خلها تحل باقدار

لا تعتذر يازين ماعاد بدري
جرح ٍ بقلبي يشتعل كن به نار

الحب ما هو بالعدد كسر عشري
لاما نهاية مابه اخماس واعشار

أدري وتدري والمخاليق تدري
جرح المشاعر ما تشافيه الاعذار

حتى لو ان البلسم اسلوب عصري
وش فايدة بلسَمْك والجرح قد غار

الله يعين ويجبره ضيم كسري
نهاية القصة نقط حبك أصفار