جرح المشاعر شين - ظافر العتيبي

يازين انا قلبي يودك من سنين
ويزيد لك مع زايد الوقت ودي

وافرح بشوفك كل ماقبلت يازين
لكن اشوفك صرت عني تصدي

صابك غرور أو كبر ياداعج العين
مدري لكن طبعك تغير بجدي

جرح المشاعر شين واشين من الشين
حرام تجرح خاطرٍ لك مودي

هذي ثلاث سنين صابر على البين
واكتم هموم القلب مابديت سدي

واليوم سدي باح وانتي تعرفين
الصبر له يابنت وقتٍ وحدي

ان كان لي عندك معزة وتغلين
اهلا هلابك حط يدك بيدي

© 2024 - موقع الشعر