صدق المشاعر

مشاعر صادقة .. صوت مبحوح
جيت ألتمس حسك تسمّع لبوحي

جيت أوعدك بالسر لا يمكن أبوح
وإن الغلا فالقلب يبني صروحي

وأثرك غشيم الحب ما تعرف النوح
وأكبر ذنوبي كيف سلّمت روحي

ما ساهر عيونك عن النوم ذابوح
والقلب جاله بين الأضلاع فوحي

ما يستوي في الحب حيٍ ومذبوح
ولا يستوي بالشوك وردٍ يفوحي

كيف الجسد ايعيش في غربة الروح
وكيف الطعون الخضر تشفي جروحي

شفتك تصد اليوم وأقول مسموح
بودّعك وأقول دربك سموحي

مير البلا خايف ليا جيت بتروح
أصيح بأعلى الصوت لا لا تروحي

قالوا طريق الحب ذا درب مفضوح
وبعض النتائج فيه عكس الطموحي