سلام يا نسل الفخر والزعامه
يا راعي الطالات يا عادل الميل
شيخٍ على العليا رفيعٍ مقامه
الصيرمي مقدم قروم الرياجيل
قايد هل الشرفا بعز وكرامه
راع الشداد اللي يقود المشاكيل
متسلسلٍ من رأس شيخ الجهامه
نسل الشيوخ النادرين الحلاحيل
مهوب شيخٍ بالقرار ونظامه
وألا شيوخ المال وقت التساهيل
زعامةٍ بالشلف وسلة حسامه
وضرب المجوّخ والمهار المشاويل
ماكر حرارٍ فيه طيب وصرامه
متوارثين المجد جيلٍ بأثر جيل
ناصر وضع له فالبدايه علامه
وبعده رجالٍ تنقل الحمل وتشيل
فيصل حمى فالعرق بيض النعامه
بعود القنا وسيوف هندٍ مصاقيل
ومشاري الأمجاد رمز القرامه
غير الشجاعة يفني الضان والحيل
وناصر زبون المرجله والشهامه
السيف يروي شذرته متعب الخيل
واليوم أخو جوزا تقلّد وسامه
رجل المواقف للصعيبات حلحيل
وريث مجدٍ فوق عالي غمامه
والدرب واحد ما يجي فيه تبديل
شيوخٍ خذوا فالمجد ذروة سنامه
يستاهلون المدح والنعم لا قيل
وختامها شاعرك يبدي سلامه
والعذر كان القول جاء فيه تقليل
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.