يا زين يا رويان لطراف
خذني غناتي في الهوى ابروف

وصفك فريد ماله اوصاف
يا الخل يا ميال لزلوف

اسقيتني في حبك احساف
وامسى نظير العين ماغوف

يا سيدي والحب تلاف
حرات بي في اليوف واحسوف

باطن ضميري بات عساف
دومي على الليعات مكلوف

القلب ياما زارك اوشاف
والعين ما خصتك بالشوف

لك في الامر طايع ومسعاف
صابر على الهجران والخوف

لك نوق شوقي دوم زفزاف
رسمك وشم في صدري احروف

يالله تجمع بين لاولاف
في مقبلات السعد واضروف

او بالإنس تغمر جو لشراف
او تجبر ابخاطر كل ملهوف