يــا ورد الأشــواق - سعد المسحمي

في ذمتك ياغايتي منت مشتاق
ولا ولهت بشوفتي يا غناتي

شفني بعد فرقاك جسمي غدا دقاق
والنوم قفى والسهر من صفاتي

في غيبتك تخالط الحبر بوراق
والدمع سطّر في حيااااتي مماتي

انشهد ان الكون في غيبتك ضاق
تقاربت عندي جميع الجهاتي

تسوقني الذكرى مع الليل وانساق
وارحل معك في عالم الذكرياتي

واشوف طيفك بين نجم(ن) وبراق
ترحل وتبقى صورتك وسط ذاتي

اقرب ترا منزلك في وسط الاعماق
ارجع ترا قربك ينور حياتي

خلاص مل الصبر ياورد الاشواق
ارجع ترا قربك يلملم شتاتي

وان كنت ناوي ياغناتي بالافراق
(ماعاد تفرق عن حياتي مماتي)

© 2024 - موقع الشعر