كـــلــي فــدايــاك !! - سعد المسحمي

يااللي نويت البعد عني وصديت
وخليتني مابين طيفك وذكراك

وتركتني لاني بحي(ن) ولاميت
مثل المريض اللي معلق بالسلاك

ياما على شانك من الهم عانيت
واليوم عني رحت ياهيه وش جاك

طيفك يراودني ليا أصبحت وامسيت
واتخيل ان يمناي تشبك بيمناك

وتقول جيتك معترف بنّي أخطيت
أقوللك يامرحبا بك و حياك

بين الضلوع العوج جهزت لك بيت
متى على الله نفرح بيوم ملفاك

ناديتلك في عالي الصوت حييت
آمر . تدلل . سم (كلي فداياك)

لاتحسبن بنساك لو كان ماجيت
معاهدك منساك والله منساك

ومن يوم ماغابت عيونك وصديت
أصبحت أسير(ن) بين طيفك وذكراك

© 2024 - موقع الشعر