تراحيب

لـ ، ، بواسطة عشيان بن سليمان، في غير مُحدد

المنسابة: مشاركة الشاعر بمناسبه زيارة معالي وزير المواصلات لمنطقة الجوف

سميت بسم الله مبدى الاجابه
خلاقنا المعبود رب البريه
ترحيبت ً عن اميرنا بالنيابه
وعن سكان المنطقه والسميه
جانا الوزير وقلنا يامرحبابه
تحية الاسلام احسن تحيه
عداد ماهل المطر من سحابه
من مزنت ً هله مطرها برديه
ياابو محمد اللي عزيزن جنابه
بزيارته تحسب علينا هديه
الجوف ترحبك شوامخ هضابه
الف هلابك بالبلاد العذيه
يالقرم ياللي عينوك الذيابه
اهل الفخر والطيب واهل الحميه
فهد ملكنا الشعب كله رضابه
حلال صعبات العقود القويه
مثل الحليب اللي لذيذ شرابه
واحلا من طعم العسل بالخليه
كل الوطن شيابها مع شبابه
الشعب عنده كلهم بالسويه
ولي عهدنا عز من التجابه
عبدالله المحبوب جزل العطيه
وسلطان حرآ والمعادى يهابه
من عانده بالكود زار المنيه
حكم ً حكم بالشرع نهج الصحابه
اللي خلوها سنة ً محمديه
يوم ً صفا جوها عن ضبابه
المملكه صارت هنوف ً صبيه
واللي نوى المملكة من عذابه
عن الحسود اللي بغاها محميه
هذا وطنا ود منا من ترابه
دون الوطن نصير مثل الحنيه
وعلى النبي صليت باخر خطابه
الله يهدينا كل صبح ومسيه
________
عشيان بن سليمان

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر