حييت يا نسل الشيوخ الصواريم
تحية مثل العسل في حلاته
أحلى من طعم اللبن بالمقاديم
وأحلى من زهو الزهور بنباته
أهلا وسهلآ عد ما يسكب الديم
بعد السلام ورحمته وبركاته
يامرحبا بمرافقك ابنك سحيم
ابن الاسد حلياه يسوى سواته
ياقالوا الشعار زين الترانيم
حنا نقول القيل بمناسباته
ابو دحام الشهم له كل تكريم
وبعض الملا محسوبة ٍ من عباته
ربعك تعزك وأنت لهم عن الضيم
ترعى رعاياهم وتجمع شتاته
يحماك ربي عن جميع الشواتيم
ويفكك من شر الحسد والشماته
يالليث ياسطام الخصام المكاظيم
حيث الكرم والجود عندك صفاته
لنا بكم حاجات يا كضنا الضيم
والوقت يبي حكمة والتفاته
حيث أنت فاهم ماتبي زود تعليم
نسل فواز اللي كثير حسناته
لك عندنا قدر وفخرا وتقييم
كبير والله عالم في خفاته
اكبر من الجال المسمى على غنيم
يرجحبه الميزان في كيلواته
قرم صميدع لك على الراي تحكيم
وكل ٍ يعد بكامل ميزاته
الطيب ساس للرجال المفاهيم
ومن لابذل للطيب وشي حياته
خله يولي يجعله بأسفل طعيم
وابليس عدد سبع رجم حصواته
وأطلبك ياللي لك على الناس تعظيم
الواحد الخلاق في معجزاته
وصلاة ربي عد سحب مراديم
على النبي اعداد صوم وصلاته
________________
عشيان بن سليمان
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.