بعيد عن دوشة الناس وبلاويها - أحمد العولقي

هنّوني حققت حلمي فيهآ هنّوني
لا تسآلوني ببشّركم وبحكيهآ

قصه وتكفون فيهآ لا تلوموني
واللي بيستحقر القصّه يعديهآ

حبيت يوم ان غرآمي عقّل جنوني
بعدما عفت العلاقات ومعآنيهآ

ولقيتهآ وزآدت الإعجآب بعيوني
وحلفت غير الحبيبه ما أسميهآ

صآرحتهآ وقلت يا محبوبتي كوني
لروحي اللي بتوفي ولا تخونيهآ

وكيدي باخلآصك اللي ما يحبوني
واصْلِيْ بحبّك قلوب النآس واكويهآ

شبي الحرآيق بجوف اللي تمنّوني
وقولي روحه وجآت إلين مغليهآ

وانا أبحفظ عهودي دامك تصوني
عهودك اللي على نفسك قطعتيهآ

تعالي بسكن أنا ويّآك في كوني
بعيد عن دوشة النآس وبلآويهآ

ماعيش دونك ولا انتي تعيشي بدوني
إمآ كذآالدنيآ ترضى أو نخليهآ

للموت أعشق هوآهآ لا تظنوني
بهمل غلآهآ للَحْظه أو بجآفيهآ

بضيع فيها وانتو لا تدلّوني
بيدلني حضنها البارد وادفيها

بضمها وعن شعوري لا تحآكوني
بالذآآت لا قيّدت إيديني بايديهآ

بعلنهآ ثوره بعد ما زدّت بسكوني
واصير موجه وتحضنني شوآطيهآ

تزفر نَفَسْهَآ وأستنشق على هوني
وازْفِرْ على خدها بشويش واغريهآ

واشوفها تصرخ ابإعياء سيبوني
بفقد توآزن أحآسيسي واودّيهآ

عند الجنون اللي محتل عقل مجنوني
واغمّض عيوني باحضآنه واسليهآ

نآمت وغنيت انا إبأجمل لحوني
وسمَّعْتَهَا اشعآري وأروع قوآفيهآ

وسِمِعْتَهَآ تقول بالله لا تصحوني
وتهْذي بكلمآتِ ماأفهم معآنيهآ

قرّّبْت أكثر ونآدتني يا مفتوني
والله احبّك يا روحي يا مهنّيهآ

قآلتهآ واستسلمت للنومه عيوني
ولِحِقْت محبوبتي بالحلم اخآويهآ

© 2024 - موقع الشعر