هامي على صف النجوم ومجتري

بسم الذي نرجي ثوابه نحتري
سبحانه المعبود نخشى عقابه

ياعاذلي بالهون لا لاتفتري
وخف من اللي ماندم طلاّبه

ماني أبو الطيب ولا بالبحتري
ولازهير في مضر واصحابه

ولا لويت عنقي صوب المشتري
ولاهتون أوزحل وشهابه

ماقلت فكري يشبه الريجستري
يحفظ قوايم وقيم جلبابه

لاني بعنتر عبسي ولا بكتري
عبد ٍعلى الملا يسوق حرابه

لكن لجا اليوم الكريه ابشتري
موتي و لاسيفي يلوم جرابه

هامي على صف النجوم ومجتري
وسكود يشهد فعلتي بارهابه

ماني بمن يمشط بنبت البختري
مالي وماله الطمن وشعابه

وان شفت لي جسر ٍ قديم ومهتري
جنَّبت مالي والشقا و اتعابه

لا مادّعي النقا التقى في دفتري
ما قلت انا اللي عاكف بمحرابه

حشا ما جيت ناقلن تري تري
افلان قال وقيل في أنسابه

قسم لزم ما قد نويت ولا اجتري
أبهت عباده وافتري باحبابه

أتبع دروب الحكمة ولا أفتري
من دق باب الناس دقوا بابه

هذي علومي يا كرام واستري
يالقافية زولك عن اللي عابه