يقول
الشاعر احمد الخالدي
ياوليد الناس عجزو يفهموني
وأتركوا لي هم وجروح ٍ عميقه
جيت أبكشف لك خفاياي وحزوني
مابقالي إلا أنت وحروف ٍ رقيقه
مافهمني إلا أنت وأشكيلك شجوني
والصديق يحس في لوعة صديقه
الزمان اللي خذلني بالطعوني
آآه لو ذاقوا الألم كنه حريقه
لو عطيت البعض عمري مع عيوني
ما أشوف الشكر يلمع لي بريقه
صاحبي ياصاحبي هذا جنوني
ليه عفت الناس علمني الطريقه
الشاعر احمد الخالدي
ردي على الشاعر احمد الخالدي
يقول وليدالبسطي
يا مرحبا إعداد وبل المزوني
وعداد برق ٍ بالسماء له بريقه
بالصاحب اللي طالب اليوم عوني
وغدى يفكر كل ساعة ودقيقه
لأمن فعلت الخير لو ينكروني
تلقا الأجر يوم القيامة بوثيقه
لاجاك فتان ٍ بكذب ٍ جنوني
أبعد وخله يحترق في طريقه
من طبعهم أهل الشعر يكذبوني
وياكم صديق اليوم يكوي صديقه
والله لو جابو كفن وأقبروني
عيب الرفيق اليوم ينسى رفيقه
وهذا زمن الأنذال به يلعبوني
ماعندهم ذرة مشاعر رقيقه
وليد البسطي
5/1/1432ه
