خلي ذبحني يا عرب بالعناده
ولا قلت له ايمين اشر شماله
رابي على حريه وله شهاده
من طلعته هذي حياته وحاله
لابس لباس الغرب جعله لباده
فاهم حضارة هالزمن بالجهاله
يقول عشقه نت والفيس زاده
مدمن عليه ومحترف في مجاله
لمن نصحته قال خل النكاده
هذا حياتي قبل اعرفك قباله
تعبت منّه ياعرب ش الافاده
وحبه سطى ما فيه روف وعداله
ضعيف انا قدام حب الاراده
حبه تمكن والعقل حيل شاله
لمن زعل لبسني ثوب الحداده
يضيق صدري ودمع عيني هماله
ولمن رضا اعيش عيشة سعاده
مسحور في حكيه وزينه وجماله
والختم احبه رغم ذيك العناده
مجبور انا يا ناس روحي فداله
