ال- نت

لن دق قلبك صار مالك خيارات
حكم الخفوق اوامره مركزيه
 
واذا العقل مهو طرف بالقرارا ت
ياحالة (ن) صارت مهي واقعيه
 
بين العقل والقلب يوجد مسافات
والكل له قانون وله افضليه
 
وقلباً بلا منطق تعثر بعثرات
عثرات ياتوصيفها عاطفيه
 
تصير دقاته بليا عبارات
بدون منطق فاقد المرجعيه
 
شخص بخيالي له جزيل التحيات
رسمت له صوره بعقلي زهيه
 
تجسدت صورته في ظرف لحظات
في خاطري والوانها مخمليه
 
نسيت حالي يوم انا وسط زحمات
في حالة(ن) قلبي خفق له شويه
 
حالة تساءل حيث ماهي لغايات
ياليت مايضن دربي رديه
 
ياليت يدري ولا ابغى اجابات
ياليت يدري حالتي ايش هيه
 
واقول انا يانايفه عالجميلات
(العفو) قوليها بنفساً رضيه
 
يرتاح قلبي من اموراً وعلات
تانيب خافق به مشاعر ضحيه
 
واعود لدنيا ماعليها حسافات
دنيا كوتني كيه(ن) عقب كيه
 
كياتها ليا غدت شبه عادات
اما لغيري بالصفاء اجوديه
 
وياقايلاً وين انت؟تبغى افادا ت
فقدتني في جلسة(ن)شاعريه
 
تقول اخذني النت واهل المقالات
عن مجلساً متكامل الجاهزي
 
افادتي مشكور وحالي سلامات
موانعي خيراً ولا بي سيه
 
ماني قطوع..ومنتظم باللقاءات
ماقاطع اللي وجيههم شوشريه
 
اما اخبار النت..تراه جولات
تقل وتكثر حسب فتح الشهيه
 
اشاهده ساعه وليدة سويعات
زمن خفير بواجب العسكريه
 
في شاشته تدري اموراً كثيرات
من عالم المجهول والعالميه
 
واخبار دنيا ودين شرح ودراسات
وتفسير حالة باقيه سرمديه
 
شعراًوهمساً والقصص والروايات
افكار و الاخبار و الصور حيه
 
خيال مع واقع وامور الصناعا ت
والاختراع وكل اله ذكيه
 
,وباقي العلوم مسجله بالبيانات
من داخل الديره وبلاد اجنبيه
 
سهل التنقل على كل المدارات
صغيرة(ن) صارت الدنيا الفضيه
 
سبحان رب الكون دون اعتراضا ت
بعض البشر اوهب لهم عبقريه
 
واصبحت عضو وصار ليا كتابات
نقرا ونرسل والاحوال اوسطيه
 
ومشاركاتاً خاضعه للرقابات
ومرور مغطى بالحذر والرويه
 
اعجاب من موضوع او شرح حالات
واجب شبيه فروضنا المدرسيه
 
تداول افكاراً جديد وقديمات
توصيفها حالة لقاء عائليه
 
وتقييم محفوفاً بكل المودات
يامعرفه يامجاملات اخويه
 
والحكم ماهو عام حيثه امانات
جايز اموراً وانظمه داخليه
 
والحرف يثبت دون أي شعارات
من غير تطبيلاً ولا من وصيه
 
وماهمني التقييم ولا العلامات
اجابة الذواق اكبر هديه
 
حيث انها عندي بحكم الشهادات
شهادة(ن) من مدرسه جامعيه
 
وسالت عقلي وابدى العقل طاعات
حاولت اسوي رابطه او خليه
 
خلية(ن)فيها التواصل صداقات
فقط ولا غيره هدف او نيه
 
وجدت مطلوبي صعيب المنالات
ماله نصير ولا حصل عاكثريه
 
الكل له مفهوم وللبعض حاجات
والبعض له اسباب يمكن قويه
 
منهم اعرفه دون يبدي اشارات
ومنهم عرفني بالاسم والهويه
 
ومنهم انا ماشفت زوله ولا الذات
ولا اعرف اسمه..وماهي قضيه
 
البعض يكتب او ينقل مهارات
حرفاً اخباري او صيغ نرجسيه
 
والبعض شارك كل همه نجاحا ت
والبعض ماشارك بغير التحيه
 
والبعض ماله غيرجولة زيارات
زاير وعينه اصبحت مكتفيه
 
والبعض لايسال وعنده سوالات
قال السكوت اكيد فيه اريحيه
 
وياقايلاً وين انت؟هذي النهايات
قللت انا المسيار روحه وجيه
 
اسرق من ايام العمر بعض ومضات
ابغى اكوّن فكره(ن) منطقيه
 
عايشتها:ورجعت انا للخيالات
خلاصتي: وبرنامجاً صار ليه
 
يالله تعطينا من الخير رحمات
ومصاحبة خير الملا اولويه
 
*** عواد الهران***