بريد ال نت

قل يابريد النت وش عندك ليّه ؟
وش هي اخبارك هل لنا من رسالات?
 
هويتك والماركه عالميه
دنيا التواصل في جميع المجالات
 
ماانتظر ؤسالة(ن) عاطفيه
ولا رساله مانحه لي خدمات
 
انا انتظر شوقاً وبه شاعريه
مابه كلام اعطيك او قولة(ن) هات
 
من شخص انا حسيت به مرحميه
بالقلب حط رسوم ومجمل علامات
 
نفسي ونفسه كنها منتميه
لعالم سمو اخلاق وفيها قناعات
 
لي حق وياحقي سؤاله عليّه
اقل شيئاً قول ليّا سلامات
 
حقي عليه انه تنازل شويه
والخير بالبادي بقول التحيات
 
راسلت انا .وعوايقي هندسيه
ومالي سوى انتظار مع قول هيهات
 
وبان الجفاء منه. بصوره جليّه
وتهميش .كني مسوباً معه زلات
 
فجاه قطع وصله :وضربه قويه
وكني اشوف الحال. حال النهايات
 
كانت الصدفه واجتمعنا سويّه
واللي ربطنا :هو جميل العبارات
 
مابيننا غير السلام وتحيه
تقدير واحترام وعلوم زينات
 
كان العقل والصدق والمنطقيه
وتبادل الاراء وشوي ضحكات
 
هو شيء واحد بيننا له هويه
تقارب الارواح وفيها دلالات
 
والحب ماظنيت له جاهزيه
واذا جهز: يمكن تكون الاجابات
 
وان كان ماله بالتواصيل نيّه
حقه علينا وقول: مافات قد مات
 
عواد الهران