ارجال قحطان - وليد البسطي

بديت بسم الله عليه التدابير
اللي على رحمتْه خلقه شفاوي

بصيغ من فكري جميل التعابير
وبسطر أبيوت الشعر ف العلاوي

سلام ٍ أحلا من زلال الشخاتير
وأحلا من الما فوق كبد الضماوي

وسلام ٍ أحلا من زهور النواوير
في روضة التنهات والجو غاوي

على الوجيه اللي لها كل تقدير
أهل الكرم والجود والطيب حاوي

ارجال قحطان الوفاء والتباشير
لمن لواك امن الدهر شر لاوي

وأخص أنا محمد سليل المناعير
ابن الحمالي صيته اليوم ضاوي

يشهد بطيبه بدونا والحضاضير
ويشهد بطيبه كل دان وقصاوي

وأخوانه اللي فعلهم خير في خير
ياسعد من كانوا بضيقه عزاوي

سعد وفهد أهل الدلال المباهير
في مجلس ٍ مافيه رجل ٍ دناوي

وعبدالله اللي فزعته بالمعاسير
تبرد كبود اللي من الوقت زاوي

في مدحكم تعجز كبار الشواعير
وكتاب أشعار الغنا والحداوي

سطرت قولي ع الملا خير تسطير
غصب ٍ على أهل الفتن والبلاوي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر