حبيبه أم ... صديقه؟

أحترق مليون مرَّه وانت تهنى في مداك
مرتمي بأحضانهاماتعرف إن قلبك مداي

إفرح بلحظه معاها بس اناأملك سماك
شوفها تلقى عيوني لمستي ضحكة شفاي

وان حكت ما غير صوتي لي من أزمانٍ معاك
اقعد شويَّه لحالك شفتني هذا وفاي

قلها مرَّه أحبك ترجف ضلوعك هناك
تدري ليه الضلع يرجف ؟ لأن خفاقه معاي

ياترى واشلون حالك يومهاتضحك معاك
وانت تدري اني أبكي باقي العمراللي جاي

بعدماحبيت أرضك شلت حبي لك وراك
جيت واعلنت الصداقه غصب عني من وراي

آه لو تسمع كلامٍ من خفوقٍ كم هواك
كان ما صديت عني كان قلت اليوم جاي

جيتني ضامي حزين كم طلبت وقلت هاك
جيت لك بأيَّام عمري ظنتي ألقى شفاي

كنت أظنك غير عنهم كنت بعيوني ملاك
لين سهمك بي طعنته ما تأثَّرت برجاي

أتصل وأبكي حبيبي مابغي هالدنيا بلاك
وانت ما غير الصداقه ترتجيها من ضماي

إنت مثل الناس عادي ترتجي قلبي معاك
بس تعطيني المواجع والألم لي هم دواي

قلت ابهدي لك قصيدٍ مع سلام الليل جاك
وأدري انك لو قريته راح تضحك من غباي

تقلب الجوال صامت كن مافي شي جاك
ثم ترقد في سلام واحتفي بك في دعاي

من كثر خوفي بكيتك ليتني قربك هناك
شفت كيف الفرق واضح بين قسوتك ورضاي