في صديقه من قحطان - فهد محمد الفردوس

نفدا اللي يوم جيته ما تردا
سد دون معزبه اليا صار غايب

ابن ختله موقفه بطيبه عدا
والمراجل للفتى حظ وهايب

وارث الطيب بين اب وجدا
ابن ختله شوق منسوع الذوايب

جعل يفداه الذي لا شيف صدا
مايحوش المرجله صبي وشايب

في المراجل كل يوم مستجدا
ويتلقى الاجناب بسرور وعجايب

في العلوم الطيبه قام وتعدا
حاضر بالطيب في كل النوايب

لا بته في المنسب العالي تبدا
واصلهم قحطان عربين النسايب

لا بته قحطان تلثم كل حدا
فعلهم مشهور في كل الحرايب

خيلهم لا شافت العايل تكدا
وكل منهم في اللقى ماهوب هايب

يلطمون الشر لا قام يتحدا
لين يرجع من لقى قحطان تايب

من حربهم تاه مازيد يتقدا
هارب من توهم دمه سكايب

© 2024 - موقع الشعر