يا ألله يالمعبود محصي عبيده
يا غافر الزله لمن كان يخشاه
البارحه جتنا علوم وكيده
في ليلة الجمعه وجتنا مفاجاه
عز الله انه راح منا فقيده
فهد أبوفيصل عسى الخلد ملفاه
مرحوم يا رجل علومه مجيده
كلن ينعمله الى حل طرياه
فيه المزايا الطيبات العديدة
ما كل رجال يسوي سواياه
درب الشجاعة والكرم ما يكيده
عز الله انه يوم غادر فقدناه
من خلقته وافي وممشاه سيده
بالصدق والعفه وتحمد سجاياه
لعل روحه عند ربه شهيده
والجنة الخضرا مطبه وماواه
ما مات من عقب خلافه وليده
عقب رجال من رجال مسماه
اخوان رفعه في الليالي الشديده
يأتون بأوصافه ويمشون ممشاه
هذا ونطلب له وفاته سعيدة
في جنة الفردوس ويفوز برضاه
ليت المنايا منه راحت بعيده
ونها خذت شخصن خباث نواياه
يا ألله عسى مال المعثر شريده
خطوا ردّين ناقص الوجه والجاه
من خلقته ما جاب جمله مفيده
يا ألله عسى غبر الليالي تحداه
الي من الهفوات يمليء رصيده
يا ألله عسى بقعا سريع تعشاه
ما مات من عقب خلافه وليده
عقب رجال من رجال مسماه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.