وجه القمر ][ يعكس خوافي شجوني ][ - هتون الغيم

ياليل .. لاتسأل عن القلب وش فيه
وجه القمر يعكس خوافي شجوني

راح الزمان اللي بالاشعار نوفيه
يوم القوافي مع بحرها رثوني

مليت اجامل كل حرفن الاقيه
لوهي على الاحساس مايعجبوني

صار الكلام ازهار والحبر يسقيه
من فيض شعرٍ مايحرك سكوني

حتى المشاعر صابها منه تشويه
وامست سجينه في محاجر عيوني

ان صغتها بالشعر ضاعت مباديه
وان صنتها دمعه رمتها جفوني

ماقدر اذل النفس والراس مارْخيه
عزي بيدّي والملا عاتبوني

© 2024 - موقع الشعر