وش صار

لـ علي الزهيري، ، في غير مُحدد

وش صار - علي الزهيري

الصبح بان ودمع عيني سكايب
مالي ونيس الا النجوم السميره

وحيد في دنيا العنا والغرايب
الله يعينك يالعيون السهيره

من سبتك ياللي عن العين غايب
يامعذبٍ نفس الحزين الكسيره

يا متعبٍ روحي وحالي نهايب
حبك وقاسي وقتي اصبح خشيره

بين الضلوع اشعلت نار الحرايب
انت وزماني والليالي العسيره

وش صار كنا اصحاب كنا حبايب
اخر زمن عشير ينسى عشيره

ان جيت قلبي من محبتك هايب
النفس ما تقبل شراب الغثيره

وان رحت والله ما تجيك الطلايب
لك نيتك يالله عسى الامر خيره

© 2024 - موقع الشعر