وش حيلة : المغرم ليا صار مشتاق

وش حيلت .؟ المغرم ليا صار مشتاق
وجواله الماخوذ خلص رصيده

واللي بقلبه زحمة اشواق واشواق
وبطاقة الصراف : عنه بعيده

وخله .؟ بعيد ديار والبعد فراق
شتت : قلوبن بالمحبه / شديده

والدين / ماينفع ولا هو بينطاق
والجيب خالي : صافين ع الحديده

ومدت يدينه : للبشر شي حراق
ولا به عضيد : يفك ازمة عضيده

ضاقت عليه الحال : والشوق ماراق
مزحوم : مابين الخفوق ووريده

والضغط : عنده ارتفع فوق الافاق
ماغير يدعي : ثم يصفق ب آيده

حسبي : على اللي اخترع كرت وبطاق
يالله انك : بالقدر لا تعيده

الويش ماسوا : لنا خط عشاق
خطآ : يجمل مآيخلص رصيده

مايدري ان الشوق بالقلب عواق
ومايدري ان / اهل الهوى ع الحديده.؟