وش حيلة اللي وقع بأيدين ذباحه - حسين العسيري

ياللي حياتي بنور إشراقها أجمل
.............. وأيام عمري غدت لأحلامها ساحه
قالوا عربنا وصوف الزين ما تكمل
............. وانتي ملكتي عنان الزين ووشاحه
ما اقدر عليك ولكن ودّي أتجمل
............. ودي تكوني ربيع العمر وأفراحه
مشكلتي إني إذا حبيت أتحمّل
............. جور الليالي وظلم الخل وجراحه
واللي غدر به زمانه وش قدر يعمل
.............. صوته غليل ولو هو بالفلا صاحه
أدمح خطاك ولأجل الحب استحمل
............. وش حيلة اللي وقع ب ايدين ذباحه
الحب كاس(ن) عجز شرّابها يثمل
.............شربت حبّك بنكهة زهر فوّاحه
والشوق غيمه مطر همّالها يهمل
.............. والبعد نار(ن) تطوف القلب مرتاحه
قلبي بنا له قصور ولا قدر أكمل
.............. مسكين منهو خسر بأيدينه أرباحه
© 2024 - موقع الشعر