انا الغلطان واستاهل

انا الغلطان واستاهل / وسامحني على ماصار
وفيت ولا قدرت اقسى على قلبي وحبيتك

انا الغلطان واستاهل / وابد مالي عليك اعذار
لو انك تطعن بصدري وتبعد كل ماجيتك

اجل وشهوله احبك / وليش اتعب وليش اغار
وليش اصلن على درب المحبه يوم خويتك

وانا كل يوم بسبابك : اطيح بدمعتي منهار
امسح دمعي بدمعي وانا مايوم بكيتك

تعذبني وتجرحني وتشعل في خفوقي نار
وانا حتى على اخواني وكل الناس بديتك

قسم حتى ليا شفتك بحلمي في منامي مار
اضمك وان تركت ايدي / من الاشواق ناديتك

ثلاث ايام بغيابك :جلست ابكي مع الاشعار
ماغير احضنك بالصوره ولا من نمت غطيتك

ثلاث ايام ودموعي / رغم بعدك وبعد الدار
تطيح من الوله لجلك / وتاخذني على بيتك

تجيني من وجع مدري تجيني مختنق محتار
تجيني مو لجل عيني تجيني من تنهيتك

ورغم انك لجل حاجه تجيبكلي علي امرار
ابد ماذكر ولامره بها / مايوم حييتك

على كل العموم ارحل / وخذ دمعي معك تذكار
وخذ كل الحروف اللي بها في يوم سميتك

انا الغلطان واستاهل : وسامحني على ماصار
وفيت ولا قدرت اقسى على قلبي وحبيتك