دموع الشوق والفرقا على خدي لها رنه ! - محارب العنزي

وجودي وجد من خلا فراشه والعرب ممسين !
بعد ماصارع الاوجاع والاحزان والونه

تبين له على حس المفارق والمفارق شين !
طيوف اللي عسى مثواه من فرقاه للجنه

انا من بعد عين - العود ابد ماقد هنت لي عين !
وقلبي عيت الايام من جرحه يداونه

لو اني اكتم الضيقه عن العاذل وابو وجهين !
دموع الشوق والفرقا على خدي لها رنه

الا ياموجع الطعنه ليا من جات بالجنبين !
ولكن النصيب يصيب والمكتوب ماعنه

سقاك الله يادرب - الحبايب والمكان الزين !
لو اني كل ماجيتك يفور الضيق واكنه

اجيك اول مع الغالي - وانا سالي ومير الحين !
لاجيتك جيتك : لحالي وجيت بدمعه وونه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر